Դեռահասային տարիքի հղիությունը համընդհանուր խնդիր է

Դեռահասային հղիությունն ամբողջ աշխարհում մայրական և մանկական մահացության ամենահիմնական պատճառներից մեկն է: ԱՀԿ-ն  հրապարակել է մի տեղեկագիր, որում համառոտ ներկայացված են այս միտումնավորության հիմնական պատճառներն ու հանձնարարականները:

Կարևոր փաստերը

• Ամեն տարի աշխարհում 16 մլն դեռահաս աղջիկների (հինգից մեկի) մոտ հայտնաբերվում է վաղ հղիություն: Դա հիմնականում  հանդիպում է ցածր և միջին մակարդակի եկամուտներով երկրներում:
• 15-19 տարեկան մոտ 3 մլն աղջիկներ ամեն տարի դիմում են հղիության արհեստական ընդհատման և, միշտ չէ, որ այդ վիրահատությունը հուսալի պայմաններում է կատարվում:
• Ցածր և միջին մակարդակի եկամուտներով երկրներում 15-19 տարեկան աղջիկների շրջանում հղիության և ծննդաբերությունների ժամանակ առաջացած բարդությունները մահվան հիմնական պատճառն են:
• Մեռելածին և նորածինների մահվան դեպքերը դեռահաս մայրերի մոտ 50%-ով ավելի հաճախ է հանդիպում, քան 20-29 տարեկան կանանց շրջանում:
• Դեռահաս մայրերի երեխաները ծնվելիս հաճախ ցածր քաշ են ունենում:

Գործոնները

ԱՀԿ-ի տեղեկագրում թվարկված են նաև դեռահասային հղիության մի քանի գործոններ:

• Ցածր և միջին մակարդակի եկամուտներով երկրներում սահմանափակված է կրթության իրավունքը: Այս երկրներից մի քանիսում սահմանափակված են նաև հատուկ սոցիալական  նորմերը:
• Բացակայում է հղիության կանխարգելման մասին տեղեկատվությունը, նաև` հակաբեղմնավորիչ միջոցների մատչելիությունը:
• Սեռական բռնությունը: Որոշ երկրներում աղջիկների մեկ երրորդը հաղորդում է, որ իրենց առաջին սեռական ակտը բռնությամբ է իրականացվել:

ԱՀԿ-ի պատասխան քայլերը

2011 թ. մայիսին ԱՀԿ-ն բանաձև է ընդունել, որը երկրներին կոչ է անում ակտիվացնել երիտասարդ մարդկանց առողջության լավացման միջոցառումները: Առաջարկվել են հետևյալ կոնկրետ միջոցառումները.

• Երիտասարդ աղջիկների վաղաժամ ծննդաբերությունից պաշտպանության քաղաքականության վերանայում:
• Հակաբեղմնավորիչների օգտագործման մատչելիության ապահովում:
• Սեռական և վերարտադրողական առողջության և վաղ ամուսնության ճշգրիտ տեղեկավության ապահովում:    

Հարցեր, պատասխաններ, մեկնաբանություններ